viernes, 22 de noviembre de 2019

El cuirvu la navidad

Arrímase la Navidad y alcuérdome de la xente que vive al norte, averaos al polu, aína el sol ya nun fai trazes salir, La nuechi faise llarga, per llarga, como si non finase nunca. Fai munchu tiempu la xenti daquellos llares vivía na escuridá, yera que un xefe egoista tinía escondíu el sol. Al cuirvu esto nu-y gustaba, asina que esfrazose d`ablana y echose al ríu, onde la fía del xefe diba per agua, la moza bebió del riu y tragó l`ablana y al pocu tiempu tuvo un fíu que yera el cuirvu esfrazau. Aquel neñu non paraba berrar y berrar, asina quel xefe dio-y la bola de llume, que yera el sol pa que xugase. Foi entós cuandu  aquel cuirvu aprovechó pa esnaliar pel cielu cola bola que yera el sol. Ende aquel di, la xente del norte, la que ta averá al polu ya non vive na escuridá. Y ye per esto que toes les navidaes engalanen les cases, los pueblos con cuirvos, vístense de cuirvos y bailen como los cuirvos.
Un abrezu aperteu pa la xenti del polu norte

No hay comentarios:

Publicar un comentario